Debatten i Europarådets parlamentarikarforsamling (PACE), som i tillegg omfatta ein rapport om organisert kriminalitet og migrasjon, tok også til orde for styrke internasjonalt samarbeid og informasjonsutveksling. Dette er heilt avgjerande i kampen mot kyniske menneskesmuglarar.

Ingjerd Schou (H), Lise Christoffersen (A) og Kristin Ørmen Johnsen (H) frå den norske delegasjonen deltok i debatten. Samtlege la vekt på manglande europeisk samarbeid og koordinering i handtering av flyktningkrisa.

Schou og Johnsen løfta i tillegg fram behovet for styrka innsats i nærområda og tettare samarbeid med opprinnelseslanda. Christoffersen advara mot utviklinga der stadig fleire land innfører individuelle restriksjonar og styrker den nasjonale grensekontrollen.

– Debatten er viktig og det er ikkje siste gang vi vil diskutere dette i Europarådets parlamentarikarforsamling, seier delegasjonsleiar Schou.

– Det som er skuffande er dessverre at til tross for det store engasjementet vi ser her i forsamlinga, så går utviklinga i feil retning. Talet på omkomne i Middelhavet er fortsatt høgt og presset på Europas grenser har ikkje blitt mindre – heller motsatt, fortsetter Schou.

Manipulering av idrettskonkurransar

Det har så langt vært ei travel veke for den norske delegasjonen. Frank Jenssen (H) deltok mandag på eit informasjonsarrangement om Europarådets nye konvensjon om manipulering av idrettskonkurransar. I sitt innlegg la Jenssen vekt på at idretten ikkje kan ta denne kampen aleine og at nasjonalt og internasjonalt samarbeid er avgjerande for å komme dette til livs.

– Så langt har 22 land signert konvensjonen, men det er bare Norge og Portugal som har ratifisert. Ratifisering og implementering av konvensjonen er av stor betydning for det vidare arbeidet, seier Jenssen.

Nordisk/baltisk koordineringsmøte

Denne sesjonen har det også for første gang, på initiativ frå den norske delegasjonen, blitt avholdt eit nordisk/baltisk (NB8) koordineringsmøte mellom leiar og nestleiar i dei åtte delegasjonane.

– Dette var ei klart positiv erfaring. Det er mange krevande debattar i PACE og NB8 delegasjonane har ofte ulike posisjonar og vurderingar. Men det er likevel svært nyttig for oss å få diskutert sakene i dette forum, seier Ingjerd Schou.

Ingjerd Schou er blitt vald inn i PACEs presidentskap ’Byrået’ og Morten Wold er vald som nestformann i komiteen for juridiske spørsmål og menneskerettar. Ingebjørg Godskesen har møtt Tyrkias utanriksminister som ein del av sitt oppdrag som rapportør på Tyrkia. Som rapportør har Godskesen i oppdrag, på vegne av PACEs overvåkingskomité, å overvåke Tyrkias etterleving av sine forpliktingar som medlem av Europarådet.

Sjå sesjonens nettsider for meir informasjon om dei ulike debattane under sesjonen