I proposisjonen legg Barne-, likestillings-
og inkluderingsdepartementet (BLD) fram endringsforslag på statsbudsjettet
for 2012.
Det blir i proposisjonen føreslått å flytte
midlar til det pågåande arbeidet med IKT-utvikling i IMDi, jf. forslaga
om flytting av midlar til denne posten under kap. 821 post 62 og
kap. 821 post 71.
BLD føreslår i proposisjonen å flytte 3,66 mill. kroner
til posten frå kap. 821 post 62 og 0,26 mill. kroner frå kap. 821
post 71. Totalt føreslår BLD å auke kap. 820 post 1 med 3,92 mill.
kroner.
Det er anslått at behovet i 2012 aukar med om
lag 26 mill. kroner samanlikna med Prop. 111 S (2011–2012). Hovudårsaka
til endringa er ein auke i talet på vaksne og barn som utløyser
tilskot, noko som medfører ein auke i utgiftene på 56 mill. kroner.
Talet på einslege vaksne som utløyser tilskot har gått ned og medfører
ein reduksjon i utgiftene på 24 mill. kroner.
BLD føreslår i proposisjonen å auke løyvinga med
26,03 mill. kroner.
Behovet i 2012 blir anslått å gå ned med 19,3 mill.
kroner samanlikna med Prop. 111 S (2011–2012). Hovudårsaka til endringa
er ein reduksjon i talet på personar som utløyser tilskot.
BLD føreslår i proposisjonen å redusere løyvinga med
19,30 mill. kroner.
Det er eit mindreforbruk til forsøket med gratis kjernetid
på 3,66 mill. kroner i 2012.
BLD føreslår i proposisjonen å flytte midlane
til Integrerings- og mangfaldsdirektoratet sitt arbeid med utvikling
av nytt IKT-system, jf. omtale under kap. 820 post 1.
BLD føreslår i proposisjonen å flytte 3,66 mill. kroner
frå kap. 821 post 62 til kap. 820 post 1.
Etter avslutta klagebehandling står det, under delordninga
Tilskot til frivillige organisasjonar sitt haldningsskapande/førebyggjande
arbeid mot tvangsekteskap og kjønnslemlesting, igjen 258 000 kroner.
BLD føreslår i proposisjonen å flytte midlane til Integrerings-
og mangfaldsdirektoratet sitt arbeid med utvikling av nytt IKT-system,
jf. omtale under kap. 820 post 1.
BLD føreslår i proposisjonen å flytte 0,26 mill. kroner
frå kap. 821 post 71 til kap. 820 post 1.
Behovet er no venta å bli lågare enn føresett.
BLD føreslår i proposisjonen å redusere løyvinga med
2,24 mill. kroner.
Behovet i 2012 blir anslått å auke med om lag
6,4 mill. kroner samanlikna med Prop. 111 S (2011–2012). Hovudårsaka
til endringa er ein reduksjon i utgiftene til norskopplæring i mottak
som følgje av ein nedgang i talet på asylsøkjarar. Ein auke i talet
på personar som utløyser År 1-tilskot og ein korreksjon i anslaget
til fylkesmennene for utbetaling av tilskot for 2012 utgjer ein
mindre del av endringa.
BLD føreslår i proposisjonen å redusere løyvinga med
6,35 mill. kroner.
Nokre utgifter knytte til busetjing av overføringsflyktningar
kan godkjennast som offisiell utviklingshjelp (ODA-godkjende utgifter).
Det er anslått at behovet på posten aukar med
om lag 12,8 mill. kroner frå Prop. 111 S (2011–2012). Auken kjem
av at prognosen for talet på overføringsflyktningar som blir busette
i 2012 er auka med 170 personar.
BLD føreslår i proposisjonen å auke løyvinga med
12,83 mill. kroner.
Nokre utgifter knytte til mottak av asylsøkjarar og
flyktningar kan godkjennast som offisiell utviklingshjelp (ODA-godkjende
utgifter).
Det er anslått at behovet på posten aukar med
om lag 16,0 mill. kroner frå Prop. 111 S (2011–2012). Auken kjem
av kortare opphald i mottak før busetjing.
BLD føreslår i proposisjonen å auke løyvinga med
16,01 mill. kroner.
Nokre utgifter i mottak av asylsøkjarar og flyktningar
kan godkjennast som offisiell utviklingshjelp (ODA-godkjende utgifter).
Det er anslått at behovet på posten blir redusert med
om lag 6,6 mill. kroner frå Prop. 111 S (2011–2012). Reduksjonen
kjem av ein nedgang i talet på asylsøkjarar.
BLD føreslår i proposisjonen å redusere løyvinga med
6,61 mill. kroner.