Olje- og energidepartementet kjem i proposisjonen
med framlegg til endringar i statsbudsjettet for 2010.
Departementet gjer vidare greie for bruk av
fullmakter under petroleumsverksemda og Statens direkte økonomiske
engasjement i petroleumsverksemda (SDØE).
Det blir foreslått å auke løyvinga knytt til
Oljedirektoratets oppdrags- og samarbeidsverksemd med 3,4 mill.
kroner. Nytt forslag til løyving blir etter dette 96,4 mill. kroner.
Det blir vidare foreslått at OD i 2010 blir
gitt ei fullmakt til å inngå kontrakt med eit seismikkfartøy for
2011. På bakgrunn av dette blir fullmakta til å pådra forpliktingar
utover gitt løyving foreslått auka frå 10 til 110 mill. kroner,
jf. Forslag til vedtak II.
Det blir foreslått å auke løyvinga med 1 mill. kroner.
Nytt forslag til løyving blir etter dette 405,45 mill.
kroner.
Det blir foreslått å auke løyvinga med netto
2 mill. kroner.
Nytt forslag til løyving blir etter dette 122,8 mill. kroner.
Det blir foreslått å auke løyvinga med totalt 20,6 mill.
kroner.
Nytt forslag til løyving blir etter dette 40,6
mill. kroner.
Det blir foreslått å redusere løyvinga til arbeidet med
CO2-handtering på Kårstø med 40 mill.
kroner.
I Prop. 125 S (2009–2010) blei det gjort førebelse
justeringar av budsjettbehovet for 2010 som følgje av endra framdriftsplan.
Endringa i framdriftsplanen førte med seg at tidlegare planlagde aktivitetar
blei flytta. Basert på arbeid som er gjort i haust, er budsjettkonsekvensane
av den endra framdriftsplanen ytterlegare justert. Det blir foreslått
å redusere løyvinga til fullskala CO2-handtering
på Mongstad med 180 mill. kroner.
Etter at det tidlegare i år blei bestemt ein
revidert framdriftsplan, jf. Prop. 125 S (2009–2010), er framdriftsplanen
for arbeidet med transport og lagring også revidert, og aktivitetar
som opphavleg var planlagt i 2010, er flytta til 2011.
Det blir foreslått å redusere løyvinga med 176 mill.
kroner knytt til transport og lagring av CO2 frå
Mongstad.
Det er òg grunnlag for å redusere løyvinga til
ekstern bistand med 4 mill. kroner.
Løyvinga blir foreslått redusert med totalt
400 mill. kroner.
Nytt forslag til løyving blir etter dette 398
mill. kroner. Totalt disponibelt budsjett under posten, inkludert
overførte midlar frå 2009, utgjer om lag 680 mill. kroner for 2010.
Regjeringa foreslår ikkje å redusere løyvinga
for 2010, men at budsjettposten blir merka «kan overførast» for
å handtere usikkerheit når det gjeld tidsfordeling av utbetalingane,
jf. Forslag til vedtak III.
Departementet vil kome tilbake med oppdaterte budsjettoverslag
for 2011 i revidert budsjett til våren. Totalestimatet for investering
i testsenteret (5 213 mill. kroner eks. mva.) er ikkje endra i høve
til det Stortinget er informert om i Prop. 1 S (2010–2011).
Forslag til nye løyvingar er basert på ein oppdatert
prognose for 2010 frå Petoro AS, som er basert på rekneskapsføring
per 30. september 2010 og overslag for resten av året.
Overslaget for kap. 2440 post 30 Investeringar
er samla redusert med 5 000 mill. kroner, frå 24 000 til 19 000
mill. kroner. Det er venta reduserte investeringar mellom anna på
grunn av utsette boreaktivitetar og utbyggjingsinvesteringar på
fleire felt. Det er framleis knytt stor uvisse til korleis det vidare
investeringsbiletet blir i fjerde kvartal 2010.
Overslaget for kap. 5440 underpost 24.1 Driftsinntekter
er redusert med 3 700 mill. kroner, frå 157 700 til 154 000 mill.
kroner.
Overslaget for kap. 5440 underpost 24.2 Driftsutgifter
er redusert med 3 900 mill. kroner, frå 36 300 til 32 400 mill.
kroner.
Overslaget for kap. 5440 underpost 24.3 Leite- og
feltutviklingsutgifter er redusert med 200 mill. kroner, frå 2 500
til 2 300 mill. kroner.
Overslaget for kap. 5440 underpost 24.4 Avskrivingar
er redusert med 700 mill. kroner, frå 14 000 til 13 300 mill. kroner.
Reduserte investeringar er hovudårsaka til reduksjonen i avskrivingane.
Overslaget for kap. 5440, underpost 24.5 Renter av
statens kapital er redusert med 400 mill. kroner, frå 7 000 til
6 600 mill. kroner. Endringa kjem hovudsakleg av oppdatering av
overslag for statens faste kapital. Overslaget for kalkulatorisk
rente for 2010 er basert på ein rentesats på 3,42 pst.
Endringane nemnd i proposisjonen fører til at kap.
5440 post 24 Driftsresultat aukar netto med 1 500 mill. kroner,
frå 97 900 til 99 400 mill. kroner.
Kap. 5440, post 50 Overføring frå Statens petroleumsforsikringsfond
er budsjettert til 733 mill. kroner i faktiske utbetalingar i 2010
knytt til skadar og bortfall av inntekt på grunn av stopp i drifta
på nokre felt.
Endringane medfører samla sett at netto kontantstraum
frå SDØE blir auka med 6 133 mill. kroner, frå 94 181 til 100 314
mill. kroner.
Regjeringa vil, som varsla i Prop. 1 S (2010–2011),
leggje fram forslag om å avvikle Statens petroleumsforsikringsfond.
Denne saka vil bli fremma i Finansdepartementets proposisjon Ny saldering
av statsbudsjettet 2010. På denne bakgrunn blir det ikkje foreslått
noka endring i overslaget på premie for 2010. Det vil heller ikkje
bli føreteke noka justering for faktisk premieinnsparing for 2010
i samband med revidert budsjett 2011.
Overslaget for kap. 2490 underpost 24.1 Driftsinntekter
blir foreslått auka med 6 mill. kroner, frå 54 til 60 mill. kroner.
Overslaget for kap. 2490 underpost 24.2 Driftsutgifter
blir foreslått auka med 6,2 mill. kroner, frå 47,3 til 53,5 mill.
kroner.
Overslaget for kap. 2490 underpost 24.3 Avskrivingar
blir foreslått redusert med 0,2 mill. kroner, frå 5,6 til 5,4 mill.
kroner.
Endringane i underpostar fører ikkje med seg noka
endring i det stipulerte driftsresultatet for NVE Anlegg under kap.
2490 post 24 i høve til gjeldande løyving for 2010.
Løyvinga blir foreslått redusert med 0,25 mill. kroner.
Nytt forslag til løyving blir etter dette 1,25
mill. kroner.
Det blir foreslått å auke løyvinga med 6,5 mill. kroner
i høve til gjeldande løyving for 2010.
Nytt forslag til løyving blir etter dette 23,9
mill. kroner.
Løyvinga blir foreslått auka med 3,4 mill. kroner,
og nytt forslag til løyving blir etter dette 72,7 mill. kroner.
Løyvinga blir foreslått redusert med 2 mill.
kroner.
Nytt forslag til løyving blir etter dette 52,05 mill. kroner.
Løyvinga blir foreslått redusert med netto 2,7 mill.
kroner.
Nytt forslag til løyving blir etter dette 24,55 mill. kroner.
Med bakgrunn i gjennomført sal av statens eigardel
i TCM DA blir løyvinga foreslått oppjustert med 0,75 mill. kroner
knytt til faktisk innbetalte renter som har kome til statens del
av utlånet som er overdratt til Sasol.
Nytt forslag til løyving blir etter dette 9,05
mill. kroner.
Med bakgrunn i gjennomført sal av statens eigardel
i TCM DA blir 50,2 mill. kroner av innbetalinga frå Sasol foreslått
løyva som ein reduksjon av utlånet til TCM DA som følgje av at ein del
av lånet er overdratt til Sasol.
Det blir foreslått løyva 50,2 mill. kroner under ny
post.
I samband med den årlege handsaminga av statsbudsjettet
gir Stortinget fullmakter til Kongen i statsråd og Olje- og energidepartementet
knytt til petro-leums-verksemda og SDØE, jf. Prop. 1 S og Innst.
9 S (2010–2011).
I proposisjonen gjer Olje- og energidepartementet
greie for bruk av fylgjande fullmakter i 2010:
Fullmakt for forenkla handsaming frå styresmaktene
si side har blitt nytta ved fire høve i 2010.
Fullmakt knytt til overføring av eigardelar
i utvinningsløyve vart nytta ved eit høve i 2010.
Fullmakt knytt til overdraging og samordning
av eigardelar i utvinningsløyve vart nytta ved eit høve i 2010.
Olje- og energidepartementet godkjente 25. mai 2010
overføring av Gjøa gassrøyrleidning til Gassled. Med verknad frå
1. juni 2010 er Gjøa gassrøyrleidning innlemma i Gassled. Statens del
i Gassled er justert for å reflektere denne overføringa. Statens
eigardel i Gassled er 38,435 pst. per 1. juni 2010.