Norgga álbmotstivra lea ovddasteaddji demokratiija. Válggaid bokte álbmot nammada politihkkáriid geat dasto galget dahkat mearrádusaid álbmoga ovddas.
Sámegiella
Go vuođđoláhka čállojuvvui 1814 giđa, de lei vuođđojurdda fápmojuogadeami birra dehálaš. Ain lei fápmu juogaduvvon, muhto go parlamentarisma vuittii, de rievddai balánsa.
Čakčamánu juohke njealját jagi galget 169 áirasa 19 válgabiires válljejuvvot Stuoradiggái.
Stuoradiggi mearrida, rievdada ja fámohuhttá Norgga lágaid. Maŋŋil go Stuoradiggi lea mearridan lágaid, ráhkada ráđđehus dávjá lagat njuolggadusaid láhkaásahusa hámis.
Okta dain deháleamos bargguin Stuoradikkis lea mearridit stáhtabušeahta. Bearráigeahččan juolludemiin lea Stuoradiggái dehálaš stivrenreaidu.
Stuoradiggi lea bearráigeahčči eiseváldi ja váruha ahte ráđđehus čuovvola mearrádusaid maid Stuoradiggi lea mearridan. Ráđđehusas lea diehtojuohkingeatnegasvuohta Stuoradiggái – ja lea geatnegas addit Stuoradiggái guoskevaš ja riekta dieđu.
Go 169 áirasa bohtet Stuoradiggái, organiserejit sii bellodatjoavkkuide. Áirasat geat leat válljejuvvon seamma politihkalaš bellodagas, leat oktan bellodatjoavkun, maiddái gohčoduvvon stuoradiggejoavkun.
Presideantagoddi lea ovddasvástideaddji plánet ja heivehit Stuoradikki barggu, ja lea ovddasvástádus ahte konstitušuvnnalaš njuolggadusat gaskkal ráđđehusa ja našuvnnalaščoahkkima doalahuvvojit.
Eanas áššemeannudeapmi Stuoradikkis dáhpáhuvvá komiteain. Go Stuoradiggi dahká mearrádusaid, de lea vuođđuduvvon evttohusaide maid Stuoradikki fásta komiteat leat dahkan.
Stuoradikki olggobeale orgánat lea almmolaš orgánat mat leat ceggejuvvon njuolgut Stuoradikki vuollásažžan. Sin doaibma lea iešheanalaš ja sorjjasmeahttun Stuoradiggái, ja orgánat dahket iežaset vuoruhemiid juohkehaš su mandáhta siskkobealde.
Go 169 áirasa bohtet Stuoradiggái, organiserejit sii bellodatjoavkkuide. Áirasat geat leat válljejuvvon seamma politihkalaš bellodagas, leat oktan bellodatjoavkun, maiddái gohčoduvvon stuoradiggejoavkun.
Norggas lea mis parlamentáralaš stivrenvuohki. Ráđđehus lea ovddasvástideaddji Stuoradikki ovddas ja ferte leat Stuoradikki luohttámuš vai sáhttá stivret.
Vuođđoláhka lea alimus láhkagáldu Norggas. Jus eará lágat leat vuostálaga vuođđolágain, de fertejit dat vuollánit.