Olggobeale orgánat buktet evttohusaid jahkedieđáhusaid hámis, earenoamáš dieđáhusaid ja raporttaid bokte, ja lea mielde hábmemen vuođu Stuoradikki bearráigeahččama ráđđehusa ja hálddahusa ektui.

Riikarevišuvdna

Riikarevišuvdna lea deháleamos bearráigeahččanorgána mii Stuoradikkis lea. Riikarevišuvdna doallá čalmmis almmolaš ruhtageavaheamiin. Bagadallama, revišuvnna ja bearráigeahččama bokte váruha ahte stáhtalaš várit ja árvvut hálddašuvvojit ovddasvástideaddji láhkái, nu go mearrádusat ja eavttut ledje Stuoradikkis.

Siviilaáittardeaddji

Siviilaáittardeaddji bearráigeahččá ahte almmolašvuohta meannuda borgáriid vuoiggalaččat. Borgár sáhttá váidit siviilaáittardeaddjái jus son dovdá eahperehálaččat meannuduvvon suohkanis, fylkkas dahje stáhtas. Siviilaáittardeaddjis lea ulbmilin leat mielde váikkuhit ahte olmmošvuoigatvuođat áktejuvvojit, dahkat almmolaš eiseválddiid buorebun ja ovdánahttit luohttámuša almmolaš hálddašeapmái.

Suodjalusa áittardanlavdegoddi

Suodjalusa áittardanlavdegottis (ovdal: «Suodjalusa áittardanolbmolavdegoddi») lea ulbmilin ja mandáhtta ovddidit ja várjalit rivttiid ja vuoigatvuođaid olbmuide geat barget dahje leat bargan Suodjalusas. Lávdegoddi galgá maid geahččalit effektiviseret Suodjalusa. Lávdegotti jođiheaddji lea suodjalusáittardeaddji (ovdal: «áittardanolmmoš»).

EOS-lávdegoddi

EOS-lávdegoddi (Gozihan-, vákšun- ja sihkarvuođalávdegoddi) lea Stuoradikki bearráigeahččanorgána «čiegus bálvalusaide». Lávdegoddi doallá bearráigeahččama geažos áiggi bearráigeahččama Politiija sihkarvuođabálvalusain (PST), Našuvnnalaš sihkarvuođaorgánain (NSM) ja Gozihanbálvalusain. Bearráigeahččan dáhpáhuvvá dárkkistusaid bokte. Lávdegoddi gieđahallá maiddái váidalusaid ovttaskas olbmuin ja organisašuvnnain mat oaivvildit ahte EOS-bálvalusat leat bargan eahperehálašvuođa sin vuostá,

Norgga olmmošvuoigatvuođaásahus (NIM)

Norgga olmmošvuoigatvuođaásahus (NIM) galgá leat mielde nannemen čađahit olmmošvuoigatvuođaid, earenoamážit go váruha ja raportere olmmošvuoigatvuođaid dili birra Norggas, ja ovddidit rávvagiid mat sáhttet sihkkarastit ahte Norgga geatnegasvuođat olmmošvuođaid ektui dollojit. NIM galgá lassin addit ráđi, gaskkustit ja ovddidit oahpaheami olmmošvuoigatvuođaid birra. NIM lihkká ii sáhte iskat ovttaskas áššiid go leat čuoččuhusat olmmošvuoigatvuođaid rihkkun.

Raporttat Stuoradiggái

Jahkeraportta olggobeale orgánain ja eará raporttat sáddejuvvojit Stuoradiggái ja meannuduvvojit dábálaš áššemeannudannjuolggadusaid mielde. Raporttat leat oassin Stuoradikki dokumeantaráiddus.