Go ođđa Stuoradiggi čoahkkana válgga maŋŋil, de ceggejuvvo válgakomitea mii mearrida movt árasat galget juogaduvvot fágakomiteaide. 

 

Buot bellodatjoavkkuin galgá leat áirras finánsakomiteas ja lea vuoigatvuohta ahte lea miellahttu bearráigeahččan- ja konstitušuvdnakomiteii. Go guoská bellodatjoavkkuide main ii leat ovddasteaddji buot komiteain, de sáhttá earenoamáš dili geažil válgakomitea dan joavkku ávžžuhusa vuođul spiehkastit ahte galgá leat ovddasteaddji finánsakomiteas. Dieid bellodatjoavkkuide sáhttá válgakomitea maid mieđihit ahte juogo finánsakomitea dahje bearráigeahččan- ja konstitušuvdnakomitea lahttu maid lea lahttun eará fágakomiteas. Ii oktage sáhte leat miellahttun eanet go guovtti komiteas.

 

Komiteaid sturrodat rievddada, ja leat gaskkal 11 gitta 18 miellahtu. Komitea ieš vállje jođiheaddji ja vuosttas ja nuppi nubbinjođiheaddji. Buot komiteain galgá unnimusat okta komitearáđđi gii lea virgáduvvon Stuoradikki bealis. Komitearáđiin lea maid doarjjaapparáhta hálddahusas. 

 

Stuoradikki komiteat leat dál:

Bellodatjuogadeapmi juohke komitea siskkobealde lea eanemus vejolaš seamma láhkái go olles stuoradikkis. Dan dihte lea dábálaš ahte Stuoradikki mearrádus áššis lea nu go komitea árvalus.

 

Muhtin komiteain sáhttet dattege šaddet bonjuvuođat Stuoradikki bellodatjuogadeami ektui. Muhtin unnit bellodagain eai leat doarvái áirasat ahte ožžot áirasa juohke komiteii. Komiteain main leat maid ieš guđet miellahttu sturrodagat. Dat sáhttá mielddisbuktit ahte komiteain ii leat seamma eanetlohku go Stuoradikki ollesčoahkkimis dahje nu gohčoduvvon «jorggu eanetlohku».

 

Stuorámus bellodagain gal leat eanet mielalahtut juohke komiteas. Miellahtut seamma bellodagas komiteas gohčoduvvojit frakšuvdnan.

 

Komitea miellahtut leat maid dábálaččat bellodagaid áššedovdit komitea fágasuorggis, ja leat guovddážis hábmet bellodagaid guottuid ja oainnuid suorggis. Mediat dávjá gohčodit frakšuvdnajođiheddjiid ahte leat bellodagaid ságadoallin su fágasuorggis (ovdamearkan «finánsapolitihkalaš ságadoalli»).

 

Komiteaide juhkkojuvvojit áššit dan mielde makkár fágasuorgái ášši guoská. Áššiid juogadeapmi mearriduvvo Stuoradikkis. Stuoradikki čoahkkinortnegis § 14 lea váldonjuolggadus čilgejuvvon movt juohkit áššiid gaskkal komiteaid. Muhtomin sáhttá ášši meannuduvvot máŋgga komiteas.

 

Vuođđu áššiide leat dieđáhusat dahje proposišuvnnat ráđđehusas, dahje evttohusat áirasiin. Komiteat sáhttet viežžat dieđuid EU/EØS-áššiin ja buktit cealkámuša áššis mii galgá meannuduvvot Eurohpálávdegottis. Bearráigeahččan- ja konstitušuvdnakomitea lea áidna komitea mii sáhttá ieš cegget ášši. 

 

Lassin dan 12 komiteii mat leat namuhuvvon bajábealde, leat Stuoradikkis čuovvovaš eará komiteat:

Maiddái Stuoradikki presideantagoddi sáhttá meannudit áššiid ja ovddidit árvalusa. Diet leat ovdamearkan áššiid mat gusket Stuoradikki bargui njuolggadusat.

 

Stuoradiggi sáhttá maid go lea dárbbašlaš, nammadit komitea meannudit earenoamáš áššiid. Stuoradiggi sáhttá maid nammadit iskankommišuvnnaid kártet ja árvvoštallat ovdalaš dáhpáhusaid.