Du bruker en gammel nettleser. For å kunne bruke all funksjonalitet i nettsidene må du bytte til en nyere og oppdatert nettleser. Se oversikt over støttede nettlesere.
Dokument nr. 15:2323 (2018-2019) Innlevert: 23.09.2019 Sendt: 23.09.2019 Besvart: 01.10.2019 av samferdselsminister Jon Georg Dale
Geir Pollestad (Sp): Var saka om å avlysa Rogfast-kontrakt lagt fram for statsråden før avgjera vart teken og kor tid kan ein no vente at Rogfast-prosjektet opnar?
Jon Georg Dale: Avgjerda om å avlyse konkurransen om den første store tunnelkontrakten på E39 Rogfast-prosjektet vart teken av Statens vegvesen som byggherre. Samferdselsdepartementet vart orientert før avgjerda vart gjort offentleg kjent. Avgjerda vart teken på grunnlag av at tilbodet innebar at det ikkje ville vere mogeleg å gjennomføre prosjektet innafor dei økonomiske rammene som er fastsette av Stortinget.Statens vegvesen går no gjennom prosjektet og vil komme tilbake til departementet med forslag til plan for gjennomføring. Gjennomgangen omfattar særleg økonomisk prognose, strategi for gjennomføring og framdrift. Samferdselsdepartementet vil komme tilbake til Stortinget så snart det ligg føre tilstrekkelege avklaringar. Eg legg framleis til grunn at prosjektet skal realiserast.