Ingrid Heggø (A): Fiskeriministeren vart skulda for å ha gjeve frå seg si private e-postadresse til Frode Reppe i NSL, noko han først nekta for. I ettertid har Sandberg fått hugsen attende og seier at han ikkje kan garantere for at han ikkje har levert ut privatadressa si, noko som medførde at henvendelsar ikkje var journalførde før pressa tok tak i dette.
Kva er statsministeren sitt syn på denne saka, og kan statsministeren garantere at ministrane fyl offentligheitslova og journalfører alle henvendelsar?
Begrunnelse
Fagsjef for kommunikasjon og næringspolitikk i NSL, Frode Reppe, skal ha sendt to eposter til fiskeriminister Per Sandberg og hans statssekretær Roy Angelvik sine private e-postadresser. Årsaken til å bruke private e-postadresser i staden for dei offisielle departementadressene har truleg vore for å unngå at e-postane blei journalførde i departementet sine postarkiv. Frode Reppe har gjenom advokaten sin hevda at det var Per Sandberg som sjølv gav han den private e-postadressa si på eit møte i departementet. Rett nok etter møtet var heva. Først så nekta Sandberg for at dette hadde skjedd, men på spørsmål frå stortingsrepresentantane Lysbakken, Valen, Bergstø og Fylkesnes er det nå endra til at Sandberg ikkje kan garantere at han ikkje har gjeve frå seg den private epostadressa. E-postane er nå journalførde. Saka kom i søkelyset av di det var ein skrivefeil i Sandberg si e-postadresse, og epostane kom difor til ein annan mottaker med same namn, som seinare offentleggjorde dei.