Kjersti Toppe (Sp): Kan statsråden gjere greie for departementet sitt eigarstyringsdokument overfor Statskraft for 2021, spesielt med omsyn til Statskraft sitt eigarskap i BKK og korleis Statskraft sine 4 styrerepresentantar i BKK skal opptre i dei pågåande omstillingane kor det føreligg planar for å legge ned ei av avdelingane til BKK Produksjon, der viktige lokale arbeidsplassar i vertskommunane skal tenesteutsettast?
Grunngiving
BKK planlegg for at 22 tilsette i anleggsavdelinga skal miste arbeidet og at tenestene i staden skal tenesteutsettast og leggjast ut i marknaden. Statskraft sitt eigarskap i BKK er industrielt, og i følge Statskraft sine nettsider betyr det bl.a. "å bruke sin erfaring og kompetanse til å videreutvikle disse selskapene industrielt. Målet er å maksimere den langsiktige verdiskapingen" Statskraft sin eigardel i BKK er på 43,4 prosent.
På nettsidene til Statskraft står det at Statskraft skal engasjere seg i sivilsamfunnet på mange måtar (...), og ha eit arbeidsmiljø som er prega av inkludering og gjensidig respekt. Tenesteutsetting av lokale arbeidsplassar i BKK blir no møtt med sterkt misnøye både frå vertskommunane og frå dei tilsette sine organisasjonar.