Dokument nr. 15:1958 (2018-2019) Innlevert: 24.06.2019 Sendt: 24.06.2019 Svart på: 27.06.2019 av samferdselsminister Jon Georg Dale
Sverre Myrli (A): Det er lansert ulike alternativer for en framtidig, forbedret jernbaneforbindelse mellom Oslo og Stockholm - både via Kongsvinger, Bjørkelangen og Askim/Indre Østfold. Samtidig jobbes det med en konseptvalgutredning (KVU) for Kongsvingerbanen. Vil denne KVU-en også omfatte andre geografiske alternativer enn bane via Kongsvinger?
Jon Georg Dale: Kongsvingerbanen spiller ein viktig rolle for regiontrafikken, grensekryssande persontog og for nasjonal og internasjonal godstrafikk. I konseptvalutgreiinga for Kongsvingerbanen vil transportfunksjonen bli vurdert i heilskap, og utreiinga vil omfatte både lokal-, gods- og fjerntog. Som for alle konseptvalutgreiingar vil ein i arbeidet vurdere om det er naudsynt med eventuelle infrastrukturtiltak på jernbana, eller om det finnes andre alternativ som kan dekke samfunnet sitt behov. Samferdselsdepartementet har i mandatet for konseptvalutreiinga lagt vekt på at Jernbanedirektoratet skal ha ei vid tilnærming til utviklinga av dei ulike konsepta, og at ein utøvar varsemd med bruk av absolutte krav som tidleg siler ut konsept slik at disse ikkje blir underlagt ein reell analyse. Vurderinga av fysiske tiltak er i utgangspunktet geografisk avgrensa frå riksgrensa i øst og nord for Roverud på Solørbanen i nord, til nord for Gardermoen og Dal på Gardermobanen/Hovedbanen i vest og Lillestrøm stasjon i sør. Dersom omsynet til heilskapen i transportnettet gjer det naudsynt med tiltak utanfor det definerte geografiske området, vil slike tiltak bli gjort greie for i utgreiinga.