Skriftleg spørsmål fra Ole André Myhrvold (Sp) til samferdselsministeren

Dokument nr. 15:521 (2018-2019)
Innlevert: 05.12.2018
Sendt: 05.12.2018
Svart på: 12.12.2018 av samferdselsminister Jon Georg Dale

Ole André Myhrvold (Sp)

Spørsmål

Ole André Myhrvold (Sp): Er statsråden kjent med rapporten som Autoriserte Trafikkskoler Landsforening viser til på sine nettsider, og som konkluderer med nedleggelse av en rekke trafikkstasjoner, og vil statsråden ta initiativ til å gjennomføre disse med de konsekvenser dette innebærer?

Grunngiving

Ifølge Autoriserte Trafikkskoler Landsforbund (ATL) konkluderer en fersk rapport bestilt av Regjeringen med at det bør gjennomføres kraftige reduksjoner i tjenestetilbudet til Statens vegvesen. Det kan ifølge ATL om konklusjonene i rapporten blir gjennomført få alvorlige konsekvenser for trafikkskoler og elever.
En av hovedkonklusjonene i rapporten er å legge ned et betydelig antall trafikkstasjoner som i dag driver med oppkjøring for bil, MC og tunge klasser. Samtidig vil en nedleggelse av trafikkstasjoner bety at en rekke kjøregårder for MC vil forsvinne.

Jon Georg Dale (FrP)

Svar

Jon Georg Dale: Eg legg til grunn at rapporten det her vises til er Capgemini Consulting sine rapportar frå områdegjennomgangen av Statens vegvesen.
Som omtalt i Prop. 1 S for 2018 og 2019 blei det i 2017 satt i gong ei områdegjennomgang av Statens vegvesen. Områdegjennomgangen har vurdert organisering, rapportering og foreløpige resultat av effektiviseringsprogrammet i etaten. Den har òg vurdert om det er mogleg å effektivisere ytterlegare, mellom anna innafor tenestestruktur og –tilbod på trafikant- og køyretøyområdet og innafor støttefunksjonar.
Områdegjennomgangen viser mellom anna at det er behov for å modernisere trafikant- og køyretøyområdet for å leggje til rette for framtidsretta, brukarorienterte og effektive tenester. Når stadig fleire tenester kan bli utført via nettbaserte løysingar, utan krav til fysisk oppmøte på ein tenestestad, må ein tilpasse tilbod og struktur for å sikre mest mogleg rasjonell og effektiv drift i tråd med forventningane brukarane har.
Statens vegvesen har fått i oppdrag å vidareføre arbeidet med å modernisere trafikant- og køyretøyområdet, og å utforme forslag til ny tenestemodell og -struktur. Forslaget skal ta utgangspunkt i tilrådingane frå områdegjennomgangen, men også Statens vegvesen eigne faglege vurderingar. For å sikre ein best mogleg prosess involverer Statens vegvesen aktuelle interessegrupper undervegs i arbeidet. Eg vil òg vise til at lokaliseringsspørsmål skal vurderast i tråd med retningslinjer for lokalisering av statlege arbeidsplassar og tenesteproduksjon.
Når Statens vegvesen har kome med si vurdering vil departementet sjå nærmare på det vidare arbeidet med reform av trafikant- og køyretøyområdet.
Eg viser elles til mitt svar på spørsmål nr. 500 frå representanten Tore Storehaug om at rapportane om kort tid vil bli lagt ut på regjeringen.no.