Tonje Kopstad (SV): I Jeløya-plattforma har regjeringa stadfesta eit mål om at 30 prosent av godstransporten skal overføras frå veg til sjø og bane, men vi registrerar at det i Prop. 1 S, ikkje er foreslått nokon tiltak for å gjere godstransport på jernbane meir lønsam - vi reknar med at regjeringa er einig i at det overordna målet er at klimautsleppa skal kuttast, og derfor ønskjer vi svar på kva regjeringa vil gjere for å styrke jernbanens konkuransekraft mot veg?
Grunngiving
Det har blitt gjort kjend at Noregs største transportør av gods på jernbane, NSB-eigde CargoNet, skal kutte i både rutetilbod og tilsette. CargoNet avlastar norske vegar med ca. 177 000 lange trailerturar i fjor, som svarar til ca. 700 trailerar kvar dag. CargoNet utfordras av køyrevegavgifta som har store økonomiske konsekvensar. Utfordringane til CargoNet handlar også om regularitet på jernbanen. Dei ønskjer å køyre både lengre og tyngre tog, og dei ønskjer ei raskare framføringstid.