Stortinget har handsama (Innst. 78 L (2020-2021), jf. Prop. 144 L (2019-2020) Endringar i burettslagslova mv. (rett til å setje opp ladepunkt for elbil, samanslåing av eigarseksjonssameige). Det blei vedteke endringar i burettslagslova, eierseksjonsloven og visse andre lover. Endringane inneber å innføre ein ny regel i burettslagslova som vil gi andelseigarar ein rett til – på visse vilkår – å setje opp ladepunkt for elbil. Det blei også gjort presiseringar i den eksisterande regelen i eigarseksjonslova som gjer seksjonseigarar ein tilsvarande rett. Vidare inneber endringane å senke kravet for å kunne slå saman to eller fleire eigarseksjonssameige, frå semje til to tredels fleirtal på årsmøtet. Formålet med forslaget er å gjere det enklare for eigarseksjonssameige å slå seg saman til meir formålstenlege driftseiningar.

Lovsaka er ferdigbehandla

Første behandling:
Voteringsoversikt

Tilråding levert 12.11.2020

Behandla andre gang i Stortinget 01.12.2020